Абон Дзæуджыхъæуы 110 бинонтæ райстой ног æнцонвадат фатертæй дæгъæлтæ

Абон Дзæуджыхъæуы 110 бинонтæ райстой ног æнцонвадат фатертæй дæгъæлтæ. Цæрæн бынæттæ дзуапп дæттынц æппæт домæнтæн, уыимæ сты базарады аргъæй 20% асламдæр. Уый къухы бафтыд “Цæгат Ирыстоны цæрджыты æнцонвадат цæрæнуæттæй ифтонг кæныны паддзахадон программæйы фæрцы. Йæ фæлгæты æххæстгонд цæуы сæйраг мадзал “Жильё для российской семьи”. Фатер хорз аргъæй райсын сæ бон у цæрджыты хицæн къордтæн, уый экономикон æгъдауæй активон чи сты, уыдон. Курсанттæ-Кировецты уынджы ног бирæуæладзыгон арæзтадæн аргъ скодта регионы сæргълæууæг. Сергей Меняйло фæнысан кодта, аразджытæ алцыдæр скодтой тагъд æмæ бæстон. Районы инфраструктурæ активонæй рæзы. Ацы программæмæ гæсгæ, эксплуатацийы радтой 45 мин квадратон метры. Уыдон сты 350 бинонтæ. Субъект ууыл æрлæууынмæ нæ хъавы. Фидæны аз ма ноджы уыдзæн 125 фатеры. Æмæ уый æрмæст фыццаг кварталы.