Абон Цӕгат Ирыстоны ӕппӕт скъолаты дӕр айхъуыст фӕстаг дзӕнгӕрӕг

26.05.2026 13:16

Республикӕйы мингай рауагъдонтӕн райдыдта царды ног къӕпхӕн. Бӕрӕгбоны линейкӕты ӕрӕмбырд сты ахуыргӕнинӕгтӕ, ахуыргӕнджытӕ ӕмӕ ныййарджытӕ. Ацы ахсджиаг цауы фӕдыл фӕсивӕдӕн зӕрдиаг арфӕ ракодта сӕргълӕууӕг Сергей Меняйло.

Абон Цӕгат Ирыстоны ӕппӕт скъолаты дӕр айхъуыст фӕстаг дзӕнгӕрӕг. Республикӕйы мингай рауагъдонтӕн райдыдта царды ног къӕпхӕн. Бӕрӕгбоны линейкӕты ӕрӕмбырд сты ахуыргӕнинӕгтӕ, ахуыргӕнджытӕ ӕмӕ ныййарджытӕ. Ацы ахсджиаг цауы фӕдыл фӕсивӕдӕн зӕрдиаг арфӕ ракодта сӕргълӕууӕг Сергей Меняйло. Куыд фӕбӕрӕг кодта, афтӕмӕй ацы бон ӕнусмӕ мысинагӕн баззайдзӕн, куыд ӕппӕты рухсдӕртӕй иу. Ӕрыгӕттӕм разæй æнхъæлмæ кæсы райгуырӕн Ирыстоны фарны сæраппонд стыр ӕнтыстдзинӕдтӕ равдисыны афон. Регионы разамонӕг куыд бафиппайдта, афтӕмӕй скъолайы фӕсивӕд канд хорз зонындзинӕдтӕ нӕ райстой. Базыдтой хӕларӕй цӕрын, хистӕртӕн аргъ кӕнын ӕмӕ сӕ Райгуырӕн бӕстӕ уарзын. Сергей Меняйло уӕлдай бузныг загъта ахуыргӕнджытӕн сӕ куырыхон зонд ӕмӕ фӕразондзинады тыххӕй. Рауагъдонтӕн загъта, цæмæй сӕ хъарутыл дызӕрдыг ма кӕной ӕмӕ сæ нысӕнттӕм ныфсджынӕй цӕуой. Бафӕдзӕхста, цӕмӕй фӕлварӕнтӕ ӕнтыстджынӕй радтой ӕмӕ стыр Уӕрӕсейы аккаг граждӕнтӕ суой.

Предыдущий материал

Хæстæгдæр бонты тæрккъæвдатæй тæссаг у Цæгат Ирыстоны

Следующий материал

Рауагъдонтӕн раарфӕ кӕнынмӕ ӕрбацыдысты скъолаты раздӕры ахуыргӕнинӕгтӕ

Читайте также

Все новости