Хæстæгдæр бонты тæрккъæвдатæй тæссаг у Цæгат Ирыстоны

Тӕрккъӕвдатӕ æмæ ихуардæй тæссаг у Цӕгат Ирыстоны хӕстӕгдӕр 3 боны. Уый тыххæй хъусын кӕнынц Гидрометцентры. Синоптикты бӕрӕггӕнӕнтӕм гӕсгӕ, дымгӕ фӕтыхджындӕр уыдзӕн 25 метры онг секундмæ, уӕлдайдӕр та хӕххон районты. Кӕд къӕвдатӕ уа, уӕддӕр хъарм уыдзӕн, уӕлдӕфы температурӕ ӕхсӕвы — 11-16 градусы, боныгон — 26, быдираг районты — 28 градусы онг. Цӕугӕдӕттæн, гӕнӕн ис, се ‘мвӕзад фӕуӕлдӕр уа, ранӕй-рӕтты тæссаг бӕрӕггӕнӕнты онг. Сергей Меняйло куыд фехъусын кодта, афтӕмӕй æнæнхъæлæджы ӕмӕ коммуналон службӕты иууылдӕр раивтой куысты тыхджындӕр уагмӕ. Цæрæн-коммуналон хæдзарады министрады ӕхсӕвӕй-бонӕй кусы оперативон штаб, ӕвзӕр боныхъӕды фӕстиуджытӕм цӕстдард ӕмӕ аиуварс кӕныны тыххӕй.