Абон Цæгат Ирыстоны сæргълæууæг Сергей Меняйло фембæлд журналисттимæ. Се ‘хсæн куыд федералон, афтæ республикон дзыллон-информацион фæрæзты минæвæрттæ. Конференци ацыд æртыккаг хатт. Æртæ сахаты дæргъы Сергей Меняйло дзуапп лæвæрттæ журналистты фарстытæн.
Ивгъуыд аз республикæ самал кодта 67 æхсæнадон ног автобусы. Лæггад кæнынц регионы æмæ муниципалиттеты ‘хсæн бæлццæттæн. Ацы аз ма республикæмæ фæхæццæ кæндзысты ноджы 20. Дзæуджыхъæуы сконд балхæндзæн 57 машинæйы. Бæлццæттæн лæггад кæныны фарста пресс-конференцийы уыд фыццаг. Тыхсын кæны регионы цæрджыты. Сергей Меняйло куыд фæнысан кодта, афтæмæй фарстайыл бакусын хъæуы æмткæй. Фидæны пълæнтты хи къухты чи ис, уыцы маршрутон такситимæ æмгуыст кæнын. Ахсджиаг ногдзинад ма оплата безналичным расчетом. Ныхас ма цыд æнæниздзинад хъахъхъæнынады системæйыл. Бæлвырддæр дзургæйæ, онкологон службæйы æмæ льготæйы хуызы хостæ кæмæн ӕмбæлы, уыдоны фарстатыл.
Æрдзырдтой ма фæсивæды патриотон хъомыладыл. Цæгат Ирыстоны аразынц Фыдыбæстæйы Стыр хæсты ветерантæ æмæ сæрмагонд æфсæддон операцийы архайджтимæ скъоладзаутимæ фембæлдтытæ. Байгом кодтой кадетон кълæстæ. Ацы аз та ма аразын райдайдзысты æфсæддон-патриотон хъомылады центр «Авангард».
Дарддæры фæрстытæ баст уыдысты ирон æвзаг бахъахъхъæнын æмæ йæ райрæзтимæ. Сергей Меняйло куыд бафиппайдта, афтæмæй регионы хицауад ацы фарстамæ йе ‘ргом раздахынмæ цæттæ у. Цæгат Ирыстон у иунæг республикæ, кæцы расидт мадæлон æвзаджы хуыздæр ахуыргæнæг сбрæг кæныны конкурс.
Фарстатæ ма баст уыдысты «Водоканал»-ы дондзæуæн хызæгты модернизациимæ. Сергей Меняйло дзуапп радта, ныртæккæ дзы цæуы исбоны инвентаризаци. Йæ аргъ, гæнæн ис, æмæ йæ банымайой 1 млрд æмæ 200 млн сомыл. Уый фæстæ Сæргълæууæг куыд фæнысан кодта, афтæмæй хъуыды кæнын хъæудзæн доныл ауæрдын æмæ фиддонтæ бæстонæй æххæст кæныныл. Сергей Меняйло куыд бафиппайдта, афтæмæй дон хицæн адæймæгты къухтæм нæ ацæудзæн. Конференцийы ма куыд сбæрæг, афтæмæй раздæры завод электроцинчы территорийы фæнд кæнынц гибридон территори хуыздӕр гӕнӕнтимӕ. Нртæккæ заводы бынтæ сты Уралы хæххон-металлургон заводы бæрны. Фæлæ хæстæгдæр рæстæг республикæйы бауыдзысты.
Цалдæр фарстайы баст уыдысты туризмимæ. Туристты нымæц рæзы, разæй æнхъæлмæ кæсы бирæ куыст. Цæгат Ирыстон архайы проект «Академия гостеприимства»-йы. Ивгъуыд аз райдыдта гидты аттестаци. Нысан кæнынц туристон маршруттæ дæр. Уыимæ ма архайынц культурон хæзнаты объекттæ бахъахъхъæнын. Регионы кусынц цалдæр егъау проекты райрæзтыл. Се ‘хсæн «Къæхтысæры» курорт.
Пресс-конференци рауад цымыдисаг. Æртæ сахатæй фылдæр ныхас цыд республикæйы ахсджиаг фарстатыл. Мадзалы архайдтой 20 журналисты регионы æмæ федералон хабархæссæг фæрæзтæй. Сергей Меняйло бузныг загъта се ‘ппæтæн дæр. Куыд фæнысан кодта, афтæмæй комкоммæ ныхасмæ алкæддæр у цæттæ.
