Сывæллæтты нымæц хъазæн фæзты сæрдыгон фæфылдæр вæййы. Уый хыгъд иуæй-иу бынæтты уавæр у зæрдæхсаинаг. Цæмæй дзы сабитæ сӕхи ирхæфсой, уый тыххæй хъуамæ фӕз дзуап дæтта æдасдзинады домæнтæн. Кæцыдæр хъазæн фæзты нæй гæрæттæ, бырутæ, рухсгæнæнтæ æмæ сæрмагонд уæлцъар. Бынæттон цæрджытæ хъаст кæнынц. Адæмон фронты активисттæ ног регламентмæ гæсгæ сарæзтой басгæрст. Цы рабæрæг кодтой, уымæ бакæсæм.
Хъазæн фæзы кæд ныртæккæ бирæ сабитæ нæй, уæд æрмæст тæвд боныхъæды тыххæй. Изæрыгон ам адæмæй къух бакæнæн дæр нæ вæййы. Сывæллæттæ сæ ныййарджытимæ æрæмбырд вæййынц æгас микрорайонæй. Нталья Леонова дæр йæ лæппуйы æрбакæны ардæм. Сабитæ сæхи куыд ныццæвынц, уый иу æмæ дыууæ хатты нæ федта. Æмæ диссаг нæу. Хъазæн фæзы ифтонггæрзтæ зæронд сты, стæй дзы рухс дæр нæй.
Адæмон фронты активисттæ Цæгат-Ныгуылæн районы прокуратурæйы минæвæрттимæ иумæ улæфæн бынаты уавæр сбæрæг кодтой. 20 азæй фылдæр цы хъазæн фæзыл цæуы, уымæн йæ уавæр сӕ хуыздæртæй нæ разынд. Ифтонггæрзтæ иууылдæр сты згæ.
Цæрджытæ спортивон фæзты æмæ хъазæн бынæтты уавæр фæхуыздæр кæныныл рагæй архайынц. Фæлæ сæ курдиæттæн райсынц иу дзуапп. Объектæн æхцайы фæрæзтæ нæ рахай кодтой.
Активисттæ сбæрæг кодтой Афгайнаг скверы сывæллæттæн цы хъазæн фæз ис, уый дæр. Ам дæр аиппытæ ис. Херытæй иутæ саст сты. Уый та сабитæн тæссаг у.
Дыууæ къуыримӕ Адæмон фронты уæнгтæ бабæрæг кодтой 20 фæзæй фылдæр. Ӕппæтæн дæр сæ уавæр у зæрдæхсаинаг.
Басгæрсты хатдзæгтæм гæсгæ нысангонд æрцæудзæн æмбырд разамынддæттæг компанититӕ æмæ администрацийы уæнгтимæ. Сывæллæтты улæфт хъуамæ уа æдас. Æмæ Адæмон фронт ууыл кусдзæн, цалынмæ сæ нысан къухы нæ бафта, уæдмæ.
