Рухс федта 5-æм мультипликацион киноныв ирон æвзыгыл “Æххормаг мыст”, зæгъгæ. Сывæллæтты зонгæ кæны ирон национ хæринæгтимæ.
Сæйраг хъайтартæ дзы сты мыст, гæды æмæ нана. Ахæм киноныв сисыны хъуыды фæзынд республикæйы бастдзинад æмæ информацион технологиты управленийы сæргълæууæг Сæлбиты Аланмæ. Куыд зæгъы, афтæмæй ирон национ къæбиц тынг хъæздыг у алыхуызон хойрагæй. Хъуамæ сæ рæзгæ фæлтæр дæр зоной. Раздæр ма Сæлбиты Алан систа æндæр мультипликацион кинонывтæ дæр. Зæгъæм, “Уæрдон тулы”, “Тæппуд цуанон”, “Адджын фын” æмæ “Ног аз”.
Æдæппæттæй та хъуамæ рауадзой 30 кинонывы. Йæ радон куыст баст уыдзæн фыдыбæстæ хъахъхъæнæджы бонимæ.
