Æхсæнæдон палатæйы цæстдарджытæн Алагиры уыд семинар

Цæгат Ирыстоны дарддæр цæттæ кæнынц хъæлæс кæныны кампанимæ. Уæ зæрдыл уын æрлæууын кæндзыстæм, цæрджытæ æвзардзысты Парламенты 7-æм æмбырдмæ, стæй бынæттон хиуынаффæйадмæ депутатты. Æхсæнадон палатæйы цæстдарджытæн сарæзтой семинартæ Алагиры 5-æм скъолайы. Цæмæй хъæлæс кæныны фæтк хæлд ма ‘рцæуа, стæй æвзæрстыты лигитимон домæнтæ хæлд ма уой, уый тыххæй семинары архайджытæн дзырдтой уæлдæр ахуыргæнæндæтты педагогтæ. Лекцитæм байхъуыстой 38 адæймаджы. Уыдон æвзæрстыты рæстæг кусдзысты Алагиры районы æвзарæн хайæдты. Ахуырадон семинартæ цæудзысты сентябры райдианмæ. Хъæлæс кæныны иумæйаг боны агъоммæ та арæзт æрцæудзæн аттестаци. Ахæм мадзæлттæ ацæудзысты республикæйы æппæт районты дæр.