Æнæниздзинады æппæтдунеон бон Уæрæсейы ацыд акци «10 тысяч шагов к жизни». Дистанци ацыдысты Дзæуджыхъæуы цæрджытæ дæр. Терчы былгæрон ацæуыны фадат уыд алкæмæндæр. Мадзал саразыны хъæппæрис разынд академик æмæ кардиохирург Лео Бокериямæ. Тезгъо кæнын хирург нымайы æнæниз цардыуаджы бындур. Нырыккон дуджы адæмæн сæ фылдæр куысты сæ рæстæг æрвитынц бадгæйæ.
Акцийы сæйраг хæс æнæниз цардыуаг парахат кæнын. Сарæзтой йæ æхсæнадон æнæниздзинад æмæ медицинон профилактикæйы центр, бархион-медиктæ, уыимæ разамынды дзæуджыхъæуккаг институты минæвæрттæ.
