Æнæзакъон акци сарæзтой Дзæуджыхъæуы. Адæм æрæмбырд сты Сæрибардзинады фæзы, республикæйы хицауады хæдзары цур. Бынаты кусынц Мидхъуыддæгты министрады кусджытæ æмæ сæрмагонд нысаниуæг кæмæн ис, уыцы мобилон къордтæ.
Адæмы размæ рацыд Цæгат Ирыстоны сæргълæууæг Битарты Вячеслав. Семæ сахатæй фылдæр ныхас кодта. Цæуыл хъаст кæнынц, уый æххæстæй бæлвырд нæу. Домынц цæмæй скъолатæ байгом кæной, хииппæрддзинады фæткы уагæвæрдтæ фæрогдæр кæной æмæ сæ кусынмæ рауадзой.
Адæмы размæ рацыдысты Дзæуджыхъæуы муниципалон сконды сæргълæууæг Икъаты Русланбег, Паддзахадон Думæйы депутат Таймазты Артур æмæ Уæрæсейы иугонд командæйы тренер уæгъдибар хъæбысхæстæй Тедеты Дзамболат.
Уый фæстæ хицауады хæдзармæ фæсидтысдты хъастгæнджытæй цы хъæппæрисадон къорд сарæзтой, уымæ. Семæ бæстондæрæй æрныхас кæндзысты.
