Æппæтуæрæсеон акци «Студентон десант» æххæстгæнгæйæ, уæлдæр æмæ астæуккаг ахуыргæнæндæтты студенттæ бабæрæг кодтой республикæйы пъæлицæйы дæлхайæдтæ. Мадзал баст у фæсивæдæн фидæны дæсныйад равзарынæн баххуыс кæнынимæ.
Дзæуджыхъæуы барадхъахъхъæнджытæ гуманитарон-техникон колледжы ахуырдзаутæн радзырдтой дæсныйады сусæгдзинæдты тыххæй. Фæндаггон патрулон службæйы инспектортæ фæсивæдæн равдыстой, пъæлицæйы машинæтæ мидæгæй цæмæй ифтонг сты, уый. Радзырдтой сын, паддзахадон автоинспектор суæвынæн цавæр миниуджытæ хъуамæ уа адæймагмæ, уый тыххæй.
Студенттæ ма базыдтой «Æдас горæт», зæгъгæ, системæ æмæ эксперт-криминалистты куысты тыххæй. Æвзонг уазджытæн цымыдисаг уыд радхæссæг диспетчерты куыст æмæ, закъонхалджыты куыд рабæрæг кæнынц, уыцы мадзæлттæ хуыздæр базонын дæр.
