Æппæтуæрæсеон конкурс «Мастер года» -йы регионалон къæпхæнæн хатдзæгтæ скодтой

27.06.2023 19:59

Уæлахиздзауты æмæ призерты нæмттæ сбæрæг сты. Бронзæ райста Базарадон-экономикон колледжы ахуыргæнæг Дзиуаты Аннæ.

Æппæтуæрæсеон конкурс «Мастер года» -йы регионалон къæпхæнæн хатдзæгтæ скодтой. Апрелæй маймæ экспертон къамис бæрæг кодта ахуыргæнджыты сгуыхтдзинæдтæ. Хуыздæрты æвзæрстой астæуккаг профессионалон ахуыргæнæндæтты специалистты `хсæн. Æркасты бацархайынмæ республикæйы алы районтæй æрбарвыстой 40 курдиаты. Дыккаг къæпхæнмæ бахаудысты 17 адæймаджы. Уæлахиздзауты æмæ призерты нæмттæ сбæрæг сты. Бронзæ райста Базарадон-экономикон колледжы ахуыргæнæг Дзиуаты Аннæ. Æвзист майданы хицау сси Бирæпрофилон техникумы специалист Сергей Блажен. Сыгъзæрин майдан рамбылдта Гобозты Маринæ. 20 азы амоны ныхасы культурæ æмæ уырыссаг æвзаг Мæздæджы механикон-технологон техникумы. Конкурсы кæронбæттæн ацæудзæн сентябры Тулæйы.

Предыдущий материал

Дзæуджыхъæуы сарæзтой сæрмагонд армукъа «Мæгуырдзинадимæ тох»

Следующий материал

Хæххон-металлургон институты ахуыргонд-аспиранттæ æрхъуыды кодтой нымайæн модуль

Читайте также

Все новости