Æппынкъаддæр мызды бæрц

Ацы азы 1-æм майæ фæстæмæ æппынкъддæр мызды бæрц суыдзæн 11 мины 163 сомы. Уый тыххæй уынаффæ бацæттæ кодта УФ-йы фæллойы æмæ социалон рæзты министрад. “Ацы уынаффæ сæххæст кæнынæн бюджеты æхца ис” – загъта нæ бæстæйы премьер Дмитрий Медведев. Уымæй уæлдай ма Дмитрий Медведев сарæзта æмбырд æмæ дзы æрдзырдта ацы азы бюджетыл, стæй 2019-2020 азты фылдæр цы фарстатыл бакусын хъæудзæн, ууыл. Куыд загъта, афтæмæй нæ бæстæйы хицауад æххæст кæндзæн æппæт социалон хæслæвæрдтæ. Алы сом дæр хардзгонд цæудзæн экономикæ æмæ социалон къабазы рæзтæн. “Бюджет афтæ конд уыд цæмæй пенситæ, стипендитæ, алыхуызон пособитæ æмæ мызд цух мачи уа. Цæмæй сын тас ма уой дунеон экономикæйы ивддзинæдтæ. Ахæм хæс нæ размæ æвæры президент дæр. Уый рахаста уынаффæ æппынкъаддæр мызды бæрц 2019 азы нæ, фæлæ 2018 азы фæфылдæр кæнын” – загъта Дмитрий Медведев.