Æрдз змæнты

Синоптиктæ æмæ ирвæзынгæнджыты ныхæстæ раст кæй сты, уымæн ис фæрссаг æвдисæнтæ дæр. Уæрæсейы Хуссар фæцис тæрккъæвдаты бын. Иу регион дæр ахæм нал баззад, æмæ дзы æрвылбон ма уара. Зæгъæм, ацы кадртæ ист æрцыдысты Дагестаны. Æнæ мах ныхасæй дæр бæрæг у, æрдз куыд карз у, уый. Дыууæ хæххон хъæу Акуши æмæ Леваши æххæстæй бавзæрста йæ тых. Арвæй рацыд æцæг ихдзæгъдæн, стæй уæд къæвдайы доны цыхцырджытæ æривылдысты. Дон уайтагъд йæ разæй ахаста, цыдæриддæр ардта, уый — хæдтулгæтæ, хæдзары къултæ, суанг адæмы дæр. Фæцагъды ис хæдзарон фос. Ныппырх сты фæндæгтæ. Хуыцау хорз, æмæ дзы лæгмæрдтæ не `рцыд. Фæлæ къæвдатæ кæд банцайдзысты, уый бæлвырдæй зæгъæн нæма ис.