Æрдзон ӕвӕрӕнтӕ уӕлдай хъахъхъæнинаг кæмм сты, уым туризмы куыст куыд ис саразӕн

“Æрдзон ресурстæ æмæ хъæдтæ уæлдай хъахъхъæнинаг кæмм сты, уым туризм цы хуызы ис саразæн”. Ацы темæйыл æмбарынгæнæн лекци сарæзтой национ наукон библиотекæйы. Проект “Хӕхты хъахъхъӕнӕг ӕмӕ хъӕдты хицау – кавказаг фыранк ӕмӕ зубр” – ы разамонӕг Сланты Мæдинæ радзырдта Цӕгат Ирыстоны зубр ӕмӕ фыранк сног кӕныны программӕты тыххӕй. Ныхас цыд сырдтӕ цы фӕдтӕ ныууадзынц, уыдон куыд иртасой. Ӕргом ахдæхтой æрдзон уавӕрты хи дарыны ӕгъдӕуттæм. Радзырдтой хъæдтаг цæрæгойты мониторинджы рæстæг тугдзых сырдтимæ фембæлгæйæ хи куыд дарын хъæуы. Проект “Хӕхтӕ хъахъхъӕнӕг ӕмӕ хъӕдты хицау – кавказаг фыранк ӕмӕ зубр” Цӕгат Ирыстоны ӕххӕстгонд цӕуы Президенты культурон фонды хъӕппӕрисæй