Донбассы уавæры фæдыл Уæрæсейы президент Владимир Путин рахаста уынаффæ æфсæддон операци райдайын. Донбассы æмæ Луганскы адæмон республикæтæ Уæрæсемæ æххуысмæ фæсидтысты. Операцийы нысан — хуымæтæг адæмы цард бахъахъхъæнын. Абонæй фæстæмæ Уæрæсейы хуссарварс 12 аэропорты рæстæгмæ сæ куыст баурæдтой. Ахæм фæтк нысангонд æрцыд 2-æм мартъийы онг.
Уый тыххæй хъусын кæны Уæрæсейы авиацийы федералон агентад. Дзæуджыхъæуы аэропорт кусы фæткмæ гæсгæ. Ивддзинæтæ хаст æрцыд уæлдæфон науты цыдмæ. Зæгъæм авиакомпани «S7» баурæдта дыууæ рейсы. Бафтаудзыстæм ма уый æмæ Дзæуджыхъæуы байгом Донбассы цæрджытæн гуманитраон æххуысы пункт.
