Æрвылаз дунейы фæхъæстæ вæййынц 600 милуан адæймаджы бæрц. Арæхдæр ахæм цауты аххосаг сты æвзæр хойрæгтæ. Цæгат Ирыстоны ацы фарстамæ лæмбынæгæй кæсынц. Центрон базары æппæт хойрæгтæн дæр саразынц сæрмгаонд экспертизæ. Бынаты специалисттæ æрвылбон бæрæг кæнынц дзидза, халсартæ, дыргътæ, æхсыры продукттæ. Бæлвырддæр — нæ дарддæры æрмæджы.
Иртæстыты рæстæг специалисттæ сбæрæг кæнынц товарты хæрзхъæддзинад. Зæгъæм, цæхджын джитъриты донæй 10 мл сисынц æмæ йæм бафтауынц сæрмагонд таддаг, банхъæлмæ кæсынц уавæр куыд аивдзæн уымæ. Афтæмæй сбæрæг кæнынц продукты æппæт æууæлтæ. Ветеренинарон-санитарон экспертизæ у ахсджиаг къæпхæн, цæмæй товартæ уæй кæнынæн бар лæвæрд æрцæуа. Дзæуджыхъæуы центорн базары ацы иртæстытæ кæнынц алы райсом.
Кæсæм, цæмæй æппæт нормативтæ дæр æххæстгонд уой. Уыимæ ма бынаты дæр саразæм уæлæмхасæн иртæстытæ. Сисæм иртæстытæн æрмæг, уый дæр нормативтæм гæсгæ æмæ афтæмæй саразæм продуктты экспертизæ.
Иртæстыты хатдзæгтæм гæсгæ базонæн ис — дзидза, халсартæ, дыргътæ æмæ æхсыры продукттæ санитарон æмæ æдасдзинады домæнтæн дзуапп дæттынц æви нæ. Зиан кæй не ‘рхæсдзысты адæймадæжы æнæниздзинадæн. Алы уæйгæнæг дæр хъуамæ ацæуа ацы æркаст æмæ райса ветеринарон документ.
Нырыккон кусæнгæрзты руаджы — ома экспрес, кæнæ æвæстиаты тест, уыимæ профессионалон анализатортæ сбæрæг кæнынц, хойраджы ис заинхæссæг буаргъæдтæ æви нæ, уый. Загъæм сæрмагонд гарз — сбæрæг кæны харбызы нитраттæ ис, æви нæ, уый. Æппæт архайд дæр æххæстгонд цæуы паддзахадон стандарттæм гæсгæ. Ам лабораторийы ис сæрмагонд методикон æрмæг, уым бæрæггонд сты æппæт иртæстыты хатдзæгтæ дæр, уæйгæнджыты номхыгъд æмæ сын хæрзхъæддзинады сæрмагонд документ лæвæрд кæд æрцыд, уый.
Стыр курдиат нæм ис адæммæ, уынгты, кæртыты чи æрхæны алыхуызон хойрæгтæ, уæлдайдæр дхзидзайы æмæ æхсыры продукттæ, ма сæ æлхæнут афтæмæй, уынгты. Продукттæ æлхæнын хъæуы ахæм бынæтты, экпертизæ сын кæм саразынц.
Цæстдарды системæ æнтыстджынæй кусы. Æнцон бамбарæн у фæлхасгæнджытæн. Ахсджиаг у æнæниздзинадыл хъуыды кæнын, уый та адæймагæн йæхицæй аразгæ у. Специалисттæ адæммæ сидынц, цæмæй ма ‘фсæрмы кæной хæрзхъæддзинады сертификаттæ уæйгæнджытæй домын.
