Æрыдоны район хъармгæнæн рæстæгмæ цæттæ у. Цæттæгæнæн куыстытæн сæ 99% баххæст кодтой. Бахардз сыл кодтой 4,5 милуан сомæй фылдæр. Специалисттæ хæтæлтæ ивынц, нырыккон домæнтæн дзуапп чи дæтты, ахæмтæй.
Афтæмæй бирæуæладзыгон хæдзæрттæ æмæ, социалон нысаниуæг цы объекттæн ис, уыдон фæткмæ гæсгæ тавд цæудзысты. Профилон министрады куыд бамбарын кодтой, афтæмæй уæлдай æргом здахынц фæкæсинаг бинонтæн баххуыс кæнынмæ. Специалисттæ рагагъоммæ сбæрæг кодтой бирæфатерон хæдзæртты уавæр. Уæлдай цæстдард цæуы æнæниздзинад хъахъхъæныны, ахуырад æмæ культурæйы къабазы объекттæм дæр. Се ’ппæт объектты дæр арæзт æрцыдысты профилактикон мадзæлттæ.
Ныртæккæ уал ивд æрцыдысты дондзæуæн хæтæлты 1300 метры. Электрон тыхы телтæй 3 км фылдæр раивтой ногтыл. Цалцæггонд æрцыдысты иумæйагæй 28 донцъирæн кусæнгарзы æмæ хæтæлы.
