Æрыдоны районы сæйраг рынчындоны туаггуыры системæ ныртæккæ кусы æнæ къуылымпытæй. Уый тыххæй фехъусын кодта медицинон уагдоны сæйраг дохтыры хæстæ æххæстгæнæг Хаситы Илонæ.
Уæ зæрдыл уын æрлæууын кæндзыстæм, сæйраг рынчындоны хуыцаубоны æхсæвы 11 сахатыл туаггуыры системæйы куысты фæзынд къуылымпыдзинæдтæ. Системӕйы клапан не ‘ркуыста. Пациенттæй хъыгдæрд ничи баййæфта.
Специалисттæ æвæстиатæй системæ банывыл кодтой. Ныртæккæ кусы æнæ къуылымпытæй. Дзæбæхгæнæндоны сæйраг дохтыр ма куыд фæнысан кодта, афтæмæй туаггыры фæстауæрцгæнæн баллонтæ дæр рынчындоны фаг ис. Уавæрмæ кæсынц лæмбынæг.
