Цæгат Ирыстон фæуæлахиз горæты æнцонвадат уавæртæ аразыны хуыздæр проектты Æппæтуæрæсеон конкурсы. Уыцы иу рæстæг æртæ категорийы. Фыццаг хатт нæ республикæйы проект Нары хъæуы тыххæй фæуæлахиз номинаци «Историческое поселение»-йы. «Малые города» номинацийы та раззагдæрты ‘хсæн сты Æрыдон æмæ Дигора.
Зæгъæм, Æрыдоны рацараздзысты Фæскомцæдисонты парк. Скæндзысты дзы фæлладуадзæн бынæттæ сывæллæттæн æмæ хистæртæн дæр, уыдзæн дзы кафе, амфитеатр. Республикæйы сæргълæууæг Сергей Меняйло раарфæ кодта уæлахиздзаутæн. Куыд фæнысан кодта, афтæмæй ахæм конкурстæ сты хорз фæрæз æхсæнадон фæзуæттæ нывыл кæнынæн – ног парктæ, сквертæ, фæлладуадзæн бынæттæ аразынæн.
