Афæдзы райдианæй фæндаггон-транспортон цауты нымæц зынгæ фæкъаддæр, 757-æй 361-ы онг

6.03.2025 19:37

Фæлæ аваритæ æмæ сæ уæззау фæстиуджытæ фæкъаддæр кæныныл уæддæр кусын хъæуы. Вице-премьер Томайты Ирбег амыдта фæндаггон змæлды æдасдзинады фæдыл къамисы æмбырд.

Афæдзы райдианæй фæндаггон-транспортон цауты нымæц зынгæ фæкъаддæр, 757-æй 361-ы онг. Фæлæ аваритæ æмæ сæ уæззау фæстиуджытæ фæкъаддæр кæныныл уæддæр кусын хъæуы. Вице-премьер Томайты Ирбег амыдта фæндаггон змæлды æдасдзинады фæдыл къамисы æмбырд. Куыд фæбæрæг кодта, афтæмæй уавæрыл хуыздæрырдæм ахадынц куыд инженерон мадзæлттæ, афтæ видеоцæстдарды камерæтæ дæр. Ныхас цыд, электронон рады нæ лæугæйæ, Уæллаг Ларсы арæны сæрты ахизынвæнд чи кæны, уыцы шофыртыл дæр. Паддзахадон автоинспекци æмæ Фæндаггон змæлдмæ цæсдарды центры кусджыты ацы хъуыддагмæ бæстондæрæй хъæуы цæст дарын — фæткхæлд ма ‘руадзын, иугæр æрцыд, уæд та йæ æвæстиатæй аиуварс кæнын. Æфсæнвæндаджы ахизæнты æдасдзинадæн аккаг аргъ нæ кæнын дæр — раст нæу. Поезд æмæ хæдтулгæйы фæндæгтæ кæмдæриддæр æмбæлынц, уым хъæуы басгæрстытæ саразын, фенын уавæртæ. Æмбырды архайджытæ ма æрдзырдтой федералон æмæ национ проектты фæлгæты нысантыл. Уæлдай æргом аздæхтой скъоладзаутимæ æмæ рæвдауæндæтты хъомылгæнинæгтимæ æмбарынгæнæн куыстмæ. Фæндæгтыл уæндон æмæ æдасæй куыд цæуын хъæуы, уый хъуамæ æнæаиппæй зона сывæллон.

Предыдущий материал

Цæгат Ирыстоны фыццаг хатт ацæудзæн скъоладзауты Æппæтуæрæсеон олимпиадæйы кæронбæттæн къæпхæн историйæ

Следующий материал

Уалдзæджы бæрæгбон сбæрæг кодтой “Иугонд Уæрæсе”-йы æхсæнадон æххуысы штабы

Читайте также

Все новости