preloader
сейчас в эфире
17:20
ЖЕСТОКИЙ СТАМБУЛ 16+
Смотрите Далее
17:45
ХЪУСЫНГÆНИНÆГТÆ 12+
17:50
НЕЗАМЕНИМЫЕ 12+
18:10
ЦЫРАГЪДАР. ТОТРАТЫ БЕСА 12+
19:00
ХАБÆРТТÆ 12+
19:30
КОМÆЙ-КОММÆ 12+
ТВ ПРОГРАММА
ЖЕСТОКИЙ СТАМБУЛ 16+
close

Ахсджиагдæр у федералон центртимæ æмгуыстад

19.09.2021 19:45

Бæрнон кусджытимæ фембæлдтыты рæстæг, фыццаджыдæр, йе ’ргом здахы республикæйы социалон-экономикон рæзты мадзæлттæм.

Сæйрагдæр æмæ ахсджиагдæрыл Сергей Меняйло нымайы Федералон центримæ æмгуыстад. Бæрнон кусджытимæ фембæлдтыты рæстæг, фыццаджыдæр, йе ’ргом здахы республикæйы социалон-экономикон рæзты мадзæлттæм.


Республикæйы сæргълæууæджы хæстæ æххæстгæнæг куы сси, уæдæй нырмæ Сергей Меняйло архайы федералон центримæ æмгуыст кæнын.

Регионы социалон-экономикон райрæзты фарстатыл ныхас кодта Уæрæсейы экономикæйы министры хæдивæг Сергей Назаровимæ. Фыццаджыдæр, республикон онкодиспансеры цалцæгæн æхцайы фæрæзтæ рахай кæныныл. Уымæй уæлдай ма саразын хъæуы тарнизы ныхмæ стационар сывæллæттæн.

Ууыл дзырдта президенты æххуысгæнæг Максим Орешкинимæ сæ фембæлды рæстæг. Сæйрагдæр æргом республикæйы разамынд здахы Цæгат Ирыстоны социалон-экономикон рæзтмæ. Уырдæм хауынц туризм, промышленность, хъæууон хæдзарад, логистикæ æмæ спорты къабæзты райрæзт. Сæрмагонд программæ цæттæ уыдзæн афæдзы кæронмæ. Бæрнон кусджытæ дзырдтой Беслæны генералон пълан æххæст кæныны мадзæлттыл. 2025 азмæ Беслæны фæнд кæнынц тагъд æххуысы медицинон станцæ саразын, стадион «Пищевик» рацаразын æмæ горæты поликлиникæ сног кæнын. Республикæйы промышленнон авналæнтыл Сергей Меняйло дзырдта Денис Мантуровимæ. Федералон министры ныхæстæм гæсгæ, республикæйæн ис стыр хъомыс. Уæрæсейы промышленносты министрад фидæны дæр цæттæ у Цæгат Ирыстонæн æххуысы къух бадæттын. Æвæгæсæгæй чи баззад, уыцы промышленнон куыстуæттæй индустриалон парктæ скæныны мадзæлттыл дзырдтой хицæнæй. Денис Мантуров Сергей Меняйлойæн радта сертификат Цæгат Ирыстонмæ музыкалон инструменттæ æрбаласынæн.

Инвестицион æмæ амалхъомады архайдыл Сергей Меняйло æрдзырдта стратегион хъæппæристы агентады разамонæг Светлана Чупшеваимæ. Президент Владимир Путины бардзырдмæ гæсгæ æппæт регионты æххæст кæнынц Националон Социалон Хъæппæрисы проект. Программæйы руаджы цæрджытæ нырыккон дугимæ æмдзу кæндзысты. Бизнес æмæ æнæкоммерцион организацитæн фылдæр фадæттæ фæзындзæн социалон къабазы архайынмæ. Цæгат Ирыстон дзы бацархайдзæн фæлварæн хуызы. Сергей Меняйло баныхас кодта Светлана Чупшеваимæ республикæйы рæзты моделыл иумæ бакусыныл. Фæзындзæн ног компетенцитæ æмæ куысты уæлæмхасæн бынæттæ. Сæйрагдæр та, йæ фæрцы хъуамæ ног инвестортæ регионмæ æрбацæуой.

Сергей Меняйлойæн уыд фембæлд Федералон къазнадоны разамонæг Роман Артюхинимæ. Бафыстой сæрмагонд пълан Цæгат Ирыстоны бюджет æмæ муниципалон скондты бюджеттæй нысангонд фæрæзтæ къазнайы фæсдзыдмæ раивыны тыххæй. Сергей Меняйло куыд бафиппайдта, афтæмæй ахæм пълан сахаддзæн куысты сыгъдæгдзинад æмæ бадзырдты бæрнондзинадыл.

Цæрæнуæтты-коммуналон хæдзарады реформæгæнæн фонды минæвæрттимæ Сергей Меняйло бафыста бадзырд. Уый фæрцы Цæгат Ирыстон райсдзæн æхцайы фæрæзтæ. Уыдонæй бæлвырд æмгъуыдæй раздæр сæххæст кæндзысты кæлæддзаг хæдзæрттæ ногтæм раивыны программæ. Цæгат Ирыстоны йæ кæронмæ сæххæст кæндзысты 2023-æм азы 31 декабрмæ.

Читайте также
Все новости
Темы
Рекомендуем
Сохраняется ли задача выхода в Премьер-Лигу с 1 места и за что штрафует тренер Калешин игроков команды?
28.03.2024
«Ученик года», перевод сурдо языка, «Час земли» и лечение за рубежом
28.03.2024
О погибшем в зоне СВО бойце Аслане Дзантиеве, о Герое Советского Союза Алексее Остаеве, об учениях сотрудников Росгвардии и эксплуатации боевого оружия
28.03.2024
О капитальном ремонте, о нововведениях в сфере ЖКХ и о системе благоустройства общественных территорий
28.03.2024
Интервью с чемпионом по боксу Аланом Хугаевым
27.03.2024
Выбери жизнь
27.03.2024
Руслан Джусоев
27.03.2024
Ставд-Дурта
26.03.2024
Сабырдзинад, туризмы райрæзт æмæ «хурдзаст» сывæллæттимæ куыст
26.03.2024
Цхуырбаты Зарӕ
26.03.2024
Æмбалты Зауырбег
25.03.2024
Къуымæллæггаты Розæ
25.03.2024
Теракт в «Крокус Сити Холле»
25.03.2024
Давид Найфонов
25.03.2024
Канатовы
24.03.2024
Все рекомендуемое