Ахуырадон къабазы паддзахадон политикæйы ахсджиаг фарстатæ æххæст кæнын. Республикæйы сæргълæууæджы хæстæ рæстæгмæ æххæстгæнæг Сергей Меняйло архайдта сæрмагонд æмбырды.
Видеобастдзинады фæрцы мадзалы бацархайдтой муниципалон скондты разамонджытæ æмæ паддзахадон политикæйы департаменты директор Евгений Семченко. Цæгат Ирыстоны ахуырады системæйы модернизацийы программæйыл куыст кæронмæ фæвæййы. Йæ сæйраг хæс у ахуырады хæрзхъæддзинад фæхуыздæр кæнын, уыимæ профессионалон æмæ уæлæмхасæн зонындзинæдтæ парахат кæнын.
Евгений Семченко радзырдта, фылдæр æргом цæмæ здахын хъæуы, уый. Паддзахадон политикæйы къабазы Цæгат Ирыстон ахсы 5-æм бынат Уæрæсейы 85 регионы ’хсæн. Уыцы хъуыддагæн йæ сæйрагдæр фарста уыдзæн – æппæт аргъгæнæн мадзæлтты объективон фæстиуджытæ. Сергей Меняйлойы ныхæстæм гæсгæ, бакусын хъæуы афтæ, цæмæй нæ республикæйы ахуырадон системæ бæлиццаг уа иннæ регионтæн дæр.
