Республикæйы коронавирусы инфекциимæ медицинон æххуысмæ къаддæр сидын райдыдтой. Фæстаг 7 бонмæ дохтыртæм æрбацыд 1 мин 32 адæймаджы.
Ивгъуыд къуыриимæ абаргæйæ, уый 126 пациенты къаддæр у. Уый тыххæй оперативон штабы æмбырды фехъусын кодта æнæниздзинад хъахъхъæнынады министры хæстæ рæстæгмæ æххæстгæнæг Тебиаты Сослан. Иммунизацийы бæрæггæнæнтæ та сты ныллæг, кæд æмæ республикæйы вакцинæйы преппæраттæ ис 60 мин комплекты. Бафтаудзыстæм ма уый, æмæ æдæппæтæй рынчынтæн равæрдтой 1 мин 191 хуыссæны, уыдонæй 426 бынаты сты уæгъд. Медицинон уагдæттæ хъæугæ препæраттæй сты ифтонг.
Сергей Меняйло бабар кодта, хостæ льготæйы хуызы чи исы, уыдон хъуамæ цух ма ‘ййафой, уæлдайдæр та онкологон низтæ кæмæ ис, ахæмтæ. Регионы разамонæг ма куыд бафиппайдта, афтæмæй Цæгат Ирыстоны медицинон куыстуæттæ диспансеризацимæ цæттæ не сты. Дзуапдæттæг ведомствотæн бахæс кодта районты диспансеризаци къæпхæнгай аразын.
