Ахуыргæндты егъау куыстæн аргъ скодтой Дзæуджыхъæуы наукон центры филиалы дæр. Æмбырдмæ саккаг кодтой республикæйы Парламенты сæрдар Тускъаты Таймураз æмæ Дзæуджыхъæуы муниципалон сконды сæргълæууæг Александр Пациорин.
Сæ раныхасы фæнысан кодтой, зонадæн стыр ахадындзинад кæй ис ныртæккæйы царды, уый. Арфæйы ныхæстæ ракодтой, мадзалмæ чи æрбамбæлд, уыдонæн. Бæстæйы наукæмæ стыр æвæрæн чи бахаста, уыдоны фæллойæн аргъ скодтой кады гæххæттытæй.
Уымæй уæлдай, скодтой кæронбæттæн хатдзæгтæ ивгъуыд азæн, снысан кодтой 2023 азы куысты пълан. Аныхас кодтой редакцион-рауагъдадон архайды тыххæй дæр.
