Профессионалон бæрæгбоны фæдыл ахуыргæнджытæн арфæ ракодтой Дзæуджыхъæуы бынæттон администрацийы дæр.
Кады гæххæттытæ æмæ арфæйы фыстæджытæ сын балæвар кодта Фæрниаты Тамерлан æмæ администрацийы уæнгтæ. Педагогон фæллойы ветераныл нымад чи у, уыдонæн загътой бузныджы ныхæстæ, Ирыстоны аивады архайджытæ та сын арфæтæ ракодтой зарджытæй.
Горæты администрацийы сæргълæууæг Фæрниаты Тамерлан куыд фæнысан кодта, афтæмæй ахуыргæнджытыл ныртæккæ бæрнон хæс æвæрд ис, архайынц рæзгæ фæлтæры хъомыладыл. Цæмæй сын æмбæлгæ уавæртæ уа, ууыл кусынц. Иумæ ахадынц ахуырады къабазы рæзтыл.
