Æвзонг артисткæйы аив змæлд дисы фтауы. Классикон равдыстытæ иу иннæйы ивы. Се ‘ппæт дæр сты зæрдæмæдзæугæ: “Умирающая лебедь”, “Танец Медресе” æмæ æндæртæ. Бæрæгбоны концерты – Аивæдты лицейы сфæлдыстадон къордты хуыздæр номыртæ. Хонгæ кафт, “Калинка”, кавказаг попурри ирон фæндырыл, æмæ “Чызджыты кафт”. Ахуырдзаутæ йæ цæттæ кодтой афæдзы рдæг.
“Щелкунчик”-ы балетæй Петр Чайковскийы вальс та цæттæ кодтой дыууæ азы. Афæдзæй афæдзмæ чызджыты арæхстдзинад хуыздæр кæны, фæнысан кодта сæ ахуыргæнæг Цæгæраты Джинæ.
Егъау мадзал бацæттæ кодтой лицæйы ахуырдзауы бонмæ. Фæлæ ма йын ис иу нысаниуæг. Ацы аз лицей бæрæг кæны йæ 35 азы. Уыцы рæстæгмæ ацы бынатæй рацыд бирæ курдиатджын хореографтæ, нывгæнджытæ, музыканттæ. Абонæй ис схонæн Уæрæсейы хуссары сфæлдыстадон куырдадз.
Лицеисты бонмæ байгом кодтой равдыст дæр. 15 аздзыд Анисиямæ цымыдисаг фæкаст ныв “Выступление квинтета”. Чызг ахуыр кæны 9-æм къласы аивадон хайады. Куыд зæгъы афтæмæй, ныв кæнын райдыдта 2 аздзыдæй фæстæмæ, бинонтæ иууылдæр сты нывгæнджытæ.
Мадзал ацыд бæрзонд æмвæзадыл. Уый фæнысан кодтой куыд æрыгон аивадуарзджытæ, афтæ лицейы кадджын уазджытæ дæр.
Аивæдты республикон лицей æппынæдзух рæзы. Хæстæгдæр рæстæг ам фæзындзæн регионы фыццаг сфæлдыстадон здæхтыты скъола.
35 азы фæллæйттæ æмæ бæрзонд æнтыстдзинæдтæ. Аивæдты лицей нымад у “Нетиповое образовательное учреждение”-йыл.
æмæ хорзæхгонд у ЮНЕСКО-йы майданæй. Йæ фæзындæй бæрзонд къæпхæныл сæвæрдтой сæ архайд æмæ абон дæр сæ кад дæлæмæ нæ уадзынц.
