Дзанайты Барис амыдта РЦИ-Аланийы хицауады ӕмбырд

Хуадонты Артуры ногӕй снысан кодтой республикӕйы Физкультурӕ ӕмӕ спорты министры хӕдивӕгæй. Байсогъуырты Ольгæйы та — Æнӕниздзинадхъахъхъӕнынады министры хӕдивӕджы бынатмæ. Æрдзон фӕрӕзтӕ ӕмӕ экологийы министры хӕдивӕгæй — Булкъонты Аланы. Кадрон ивддзинæдты тыххæй уынаффӕтæ рахастой Цӕгат Ирыстоны хицауады ӕмбырды. Амыдта йæ премьер Дзанайты Барис. Ныхас цыд бирӕсывӕллонджын бинонтӕн ӕххуысыл дæр. Сæ бон пайда кæнын у дыууадæс хуызы социалон льготæтæй. Зæгъæм, фенцондæр кодтой скъоладзауы дарӕс райсыны ӕмӕ техникумтæм ахуырмæ бацæуыны фæтк. Ноджы ма иу ахсджиаг фарста — фӕндаггон-транспортон инфраструктурӕ.