Цӕгат Ирыстоны райста ног автобустæ

Цӕгат Ирыстоны æхсӕнадон транспорт дарддӕр ног кӕнынц. Республикӕ ныридӕгӕн райста æртын дыууæ автобусы, июлы кӕронмӕ ма ӕнхъӕлмӕ кӕсынц цыппæрдæсмæ.  Ӕдӕппӕтӕй автопарк баххӕст уыдзӕн техникӕйы цыппор æхсæз иуӕгӕй. Ног маршруткӕтӕ феххуыс уыдзысты бæлццæттæ ласыны лæггæдты хӕрзхъӕддзинад фӕбӕрзонддӕр кӕнынӕн: цæмæй транспорты цыд уа къуылмпы ма кæна. Автобустæ рауагътой æртынӕм, æвдæм ӕмӕ дыууын цыппæрӕм маршруттæм. Ног ранспорт балхæдтой национ проект “Инфраструктурӕ цардæн”-ы фӕлгӕты. Сӕргълӕууӕг Сергей Меняйло куыд фæнысан кодта, афтӕмӕй республикӕ бахауд, федералон ӕххуыс чи райста, уыцы цыппæрдæс регионы хыгъдмӕ. Дыууæ мин дыууын æвдæм азы программӕйы архайыны курдиатæн дæр ныридæгæн Уӕрӕсейы Транспорты министрад разыйы дзуапп радта.