“Алгоритмикæ æмæ логикæйы бындуртæ” здæхтмæ гæсгæ фæсивæд ахуыры сæрмагонд системæйы руаджы аразынц хъæзтытæ æмæ афтæмæй хуыздæр базонынц программировани. Ацы аудиторийы та кæнынц фигурæтæ. Уый дæр профессионалон программæйæ пайдагæнгæйæ. Дарддæр æрмæг VR-кæсæнцæстыты фæрцы ис фенæн виртуалон дунейы. Хестанты Георгий ахуыр кæны 5-æм къласы. Центр “IT-куб”-ы йæхи фæлвары робототеникæйы.
Цæттæгонд 3D дзауматæй дарддæр уыдзæн роботтæ аразгæйæ пайда кæнæн. Педагог амоны æппæт архайд æмæ лыстæгдзинæдтæ. Кæй зæгъын æй хъæуы, ис дзы зындзинæдтæ, фæлæ сывæллæттæн цымыдисаг у.
Алагиры 2-æм скъолайы бындурыл центр “IT-куб”-ы ахуыр кæнынц 400 сывæллоны онг. Ам сæ бон у зæрдæмæдзæугæ здæхт равзарын. Æдæппæтæй сты 6. Се ‘руаджы сывæллæттæ базонынц программированийы бындуртæ æмæ йæ дарддæры гæнæнтæ.
Сæйраг ахуыртæй уæлдай ма, ам сывæллæтты рæвдауæндæтты хъомылгæнинæгтæн аразынц дæсныйадæвдисæн мадзæлттæ. Центр кусдзæн сæрдыгон каникулты рæстæг дæр. Ахуыр дзы кæндзысты дзæбæхгæнæн лагертæй сывæллæттæ. “IT-куб” байгом кодтой фарон национ проект “Ахуырад” æххæст кæнгæйæ.
