Нæ дарддæры æрмæджы хъайтарæн та йæхи фæрæзтæ ис регионмæ туристты сцымыдис кæнынæн. Алина Коршунова бархион у. Исы Цæгат Кавказы тыххæй кинонывтæ. Ахæм хъуыды йæм æрцыд фæсивæдон форумтæй иуы. Рамбылдта грант. Ныридæгæн сфæлдыстадон къорд æрмæгыл кусын райдыдта. Нæ уацхæсджытæ бæлвырддæр радзурдзысты.
Алина Коршунова ныр къорд азты дæргъы у бархион. Бирæ хатт уыд æппæтуæрæсоен æмæ æппæтадæмон форумты. Базонгæ сæдæгай адæмимæ. Проект саразыны фыццаг хъуыдытæ дæр æм уæд фæзындысты. Сфæнд кодта Интернеты райрæзты институты конкурсы бацархайын. Чызг йе ‘сфæлдыстадон къордимæ иумæ исы Цæгат Кавказы тыххæй кинонывты цикл. Уыдзысты туристон. Ныхас цæудзæн регионы истори æмæ хъæздыг культурæйыл. Равдисдзысты адæмæн æнæзонгæ рæсугъд бынæттæ дæр. Кинонывты ма уыдзæн регионæн кадгæнæг адæмимæ интервьютæ. Куыстытæм бавнæлдтой июлы. Цæгат Ирыстон æмæ Дагестаны тыххæй кинонывтæ ныридææгæн систой. Сфæлдыстадон къорд алы регионы дæр кусы æхсæз боны. Проект кæронм æрхæццæ уыдзæн ноябры.
