Бæстæйы хицауад социалон фиддонтæ æнæ курдиат бадæтгæйæ нысан кæныны гæнæнтæ фæуæрæхдæр кæндзæн

Бæстæйы хицауад социалон фиддонтæ æнæ курдиат бадæтгæйæ нысан кæныны гæнæнтæ фæуæрæхдæр кæндзæн. Ныхас цæуы, 80 азæй фылдæр кæуыл цæуы, уыцы пенсиисджыты бинонтыл æмæ се ‘нæниздзинад хъыгдæрд кæмæн у, ахæм сывæллæтты ныййарджытыл. Цæрджытæ-иу хъæугæ информаци райсдзысты Паддзахадон лæггæдты порталы. Уырдæм йæхи чи нæ бафыста, уыдонмæ та хъусынгæнинаг æрбацæудзæн постмæ. Уый хыгъд, гæххæттытæ нысан кæндзысты Бирæвæрсыг центры æххуысæй дæр. Курдиат бадæттæн уыдзæн электрон хуызы дæр. Адæймаджы йæ хæдзарæй рахизын дæр нæ бахъæудзæн. Уынаффæ бафыста бæстæйы Хицауады сæрдар Михаил Мишустин. Ног фæтк сфидар кæныны тыххæй ведомствæтæ хъуамæ сæ куыст æндæр уагыл скæной. Уый тыххæй ногдзинад йæ тыхы бацæудзæн иннæ аз.