Сывæллæтты кæфтыты ансабль «Дети гор»-ы сезоны райдиан рауад цымыдисаг æмæ хъæздыг. Æрæджы къорд ссыд Сочийæ. Сывæллæтты æмæ фæсивæды сфæлдыстады æппæтуæрæсеон конкурс «Пересвет»-ы æрыгон адæм рамбылдтой дыууæ сызгъæрин æмæ дыууæ æвзист хæрзиуæджы.
Ацы кафт хуыйны «Ирон тырыса». Зын фæзилæнтæ дзы бирæ ис æмæ йыл уый тыххæй бирæ кусын хъæуы. Алы фезмæлдмæ дæр хъус дары аивадон разамонæг. Уымæн æмæ кафты суанг мидбылхудты онг алцыдæр ахсджиаг у.
Æрæджы «Дети гор»-ы къорд ссыд Сочийæ. Семæ сластой хореографион аиывады конкурс «Пересвет»-ы дипломтæ æмæ кубоктæ. Равдыстой дзы 4 кафты: Сæ иу – «Алантæ. Æнусон легендæ». Дзасохты Еленæмæ гæсгæ, æппæтæй зындæр уыд. Чызг ансаблы кафы 5 азы. Æмæ алы элемент саразын дæр йæ къухы бафты. Æркасты архайдæй разы у.
«Ирон сюитæ» æмæ «Дагестайнаг кафт» жюрийы зæрдæмæ тынг фæцыдысты. «Адæмон кафты» номинацийы сын радтой фыццаг бынат. Ахæм бæрæггæнæнæй ансамблы аивадон разамонæг Козаты Станислав дæр разы у. Куыд зæгъы, афтæмæй фæсивæдæй къаддæр нæ тыхст. Конкурсы бацархайдтой 100 солисты æмæ хореографион къордæй фылдæр бæстæйы алы регионтæй.
Ансамбль «Дети гор» иу æмæ дыууæ хатты не схызт кафты аивады бæрзæндтæм алыхуызон фæстивальтæ æмæ конкурсты. Фæлæ къорд дарддæр дæр архайы йæ дæсныйад уæлдæр кæныныл. Цæмæй адæмы зæрдæтæ ногæй æмæ ногмæ хъæлдзæг кæной.
