Бæстыхай кӕд сарӕзтой, цӕмӕй бӕрӕг дары ӕмӕ регионы историйы цы бынат ахсы, уый базонын. Уый тыххæй даргъ бӕрӕгдартæ кӕсын нӕ бахъӕудзӕн. Ӕппӕты сӕйрагдӕр — цæстыты комкоммæ. Цыбыр истори ӕмӕ цымыдисаг нысантимæ базонгӕ уӕвӕн ис информацион фæйнæджыты руаджы. Уыдон фӕзындзысты регионты ахадгӕ культурон объектты æддаг къултыл.
Алы фæйнæг дӕр у 50-70 сантиметры. Информаци уыцы-иу рæстæг ӕвдыст цӕуы дыууӕ ӕвзагыл — уырыссаг ӕмӕ ирон.
Хъӕппӕрис æрмæст республикæйы сæйраг сахарыл не ‘рлæудзæн. Ног информацион табличкӕтӕ фӕзындзысты Цӕгат Ирыстоны районты дӕр. Ӕдӕппӕтӕй проект аххӕсдзӕн культурон бынты сӕдӕ ахадгӕдӕр объектыл. Афтӕмæй, хуымæтæг тезгъойæ, гӕнӕн ис ӕмӕ рауайа чысыл экскурси. Уыимæ ма зӕрдӕмӕдзӕугӕ балцы маршрут алчидӕр йӕхӕдӕг ӕвзары.
Сæйраг нысан — историон объекттæ æрмæст куыд горӕты аивдзинады хай нӕ, фӕлӕ ма цӕрджыты хъӕздыг историимӕ базонгӕ кӕнын дӕр. Проект ӕххӕст кӕнынц Цӕгат Ирыстоны арӕзтад ӕмӕ архитектурӕйы министрад культурон бынты объекттӕ хъахъхъӕныны комитетимӕ иумӕ.
