Республикæ райста гриппы ныхмæ вакцинæйы фыццаг парти

9.10.2026 19:11

Фыццаг парти — 117 мин дозæйы сывæллæттæн æмæ хистæртæн.

Цæгат Ирыстоны райдыдта гриппы ныхмæ прививкæгæнæн кампани: республикæ райста вакцинæйы фыццаг парти — 117 мин дозæйы сывæллæттæн æмæ хистæртæн. Уый тыххæй фехъусын кодтой Уæрæсейы фæлхасгæнджытæм цæстдарды республикон управленийы. Ведомствæйы бæрæггæнæнтæм гæсгæ, æппæт медицинон кусæндæттæ дæр цæттæ сты иммунизацимæ. Ивд æрцыд хосы сконд: Æнæниздзинад хъахъхъæнынады æппæтдунеон организацийы амынддзинадмæ гæсгæ йæм бахастой 3 штаммы. Октябры мæй у æппæты хуыздæр рæстæг вакцинацийæн. Цæмæй адæймагмæ иммунитет фæзына, уый тыххæй прививкæ скæнын хъæуы рынчынты нымæц куы сбирæ вæййы, уымæй 2-3 къуырийы раздæр. Привикæйы руаджы хи бахъахъхъæнæн ис уæззау фæстиуджытæй, уыимæ низы парахатæй. Вакцинаци ацæуæн ис лæвар поликлиникæйы.

Предыдущий материал

Дзӕуджыхъӕуы Земнуховы уынджы ивынц дондзæуæн хызтæ

Следующий материал

Дзæуджыхъæуы бирæпрофилон техникумы цæуы бындурон цалцæг

Читайте также

Все новости