30 млрд сомы ацы аз рахай кæндзысты, æрдз чи сафы, ахæм объекттæ æмæ бырондæттæ аиуварс кæнынæн. Ацы фарстатыл хицауад кусы федералон проект «Сыгъдæг бæстæ»-йы фæлгæты. Фыццаджыдæр æргом здæхт цæуы, горæтты цы быронтæттæ ис, уыдонмæ. Сæ хыгъды промышленнон æвзарæнты æвæрæнтæ, полигонтæ æмæ, йæ архайд чи баурæдта, уыцы куыстуæтты фæзуæттæ.
Цæрджыты æдасдзинадæн, сыгъдæг кæнгæйæ, пайда кæндзысты хицæн проектæй. У бирæвæрсыг æмæ дзы архайдзысты специалисттæ. Куыстытæ цæуынц Президенты бардзырдмæ гæсгæ. Проект «Сыгъдæг бæстæ»-мæ хицауады ‘рдыгæй уæлдай цæстдард ис. Æмткæй райсгæйæ, иуварсгонд æрцыд 58 æнæзакъон бырондоны. Фарон рекультиваци скодтой 19 бырондонæн 14 регионы. Уый тыххæй хицауад снысан кодта 4 млрд сомæй фылдæр. Ацы аз ма фæнд кæнынц 53 бырондоны аиуварс кæнын.
