Авдæны зарджыты фестивалæй сбæрæг кодтой Мады бон Дзæуджыхъæуы. Архайдтой дзы зарæггæнджытæ, хæдахуыр æмæ профессионалон сфæлдыстадон къордтæ. Æдæппæтæй уыдысты 30.
Фестивалы азæлыдысты уырыссаг, гуырдзиаг, грекъаг, немыцаг æмæ ирон æвзæгтыл зарджытæ. Фестивалы уазджыты ‘хсæн уыдысты бирæсывæллонджын æмæ бирæнацион бинонтæ, адæмыхæттыты æмæ культурон æхсæнадты минæвæрттæ, студенттæ æмæ ахуыргæнджытæ. Мадзал арæзт æрцыд нæ республикæйы национ ахастдзинæдты фарстаты министрады хъæппæрисæй. Амидингæнджыты ныхæстæм гæсгæ, нæ республикæйы ахæм фестиваль уыд фыццаг хатт.
Фæнд æй кæнынц æрвылаз аразын.
