Бæстæйы хицауад архайы туристон инфраструктурæйы райрæзтыл

26.06.2024 14:27

Премьер Михаил Мишустин куыд фæнысан кодта, афтæмæй ацы къабаз Уæрæсейы субъекттæн гом кæны ног гæнæнтæ.

Бæстæйы хицауад архайы туристон инфраструктурæйы райрæзтыл. Премьер Михаил Мишустин куыд фæнысан кодта, афтæмæй ацы къабаз Уæрæсейы субъекттæн гом кæны ног гæнæнтæ. Фыццаджыдæр ахады ацы къабазмæ хæстæг секторты райрæзтыл, цæрджытæн фæзыны ног куысты бынæттæ. Президент сæвæрдта хæс туристон къабазы архайд парахатдæр кæнын. Бæстæйы регионты ‘хсæн туристон балцты нымæц та 140 млн онг фæфылдæр кæнын. Ацы нысантæ хынцгæйæ хъæуы “Туризм и гостеприимство” ног национ проектыл бакусын. Уый фидæны аз баивдзæн ныры проект. Бирæ хæстæ хъæуы баххæст кæнын – ног маршруттæ саразын, Уæрæсейы туристон гæнæнтæ фæсарæнты парахат кæнын, стæй ацы къабазæн бынæттон кондады рæзтыл архайын. Президент ма куыд фæнысан кодта, афтæмæй хъæуы нымæцон платформæ саразын, цæмæй дзы туризмы фæдыл æппæт хъæугæ информаци базонæн уа. Уый ‘руаджы бæлццæттæ сæ балц æнцонæй нысан кæндзысты.

Предыдущий материал

Дмитрий Патрушев фæнысан кодта сæйраг здæхтытæ æвзæр боныхъæды фæстиуджытæ бахизынæн

Следующий материал

Дзанайты Барис амыдта хицауады æмбырд

Читайте также

Все новости