Бæстæйы хицауад хосты регистрацийы æнцондæр фæтк фидæны азы кæронмæ аргъæвта. Ахæм хуызы уынаффæйы руаджы фармацевтон куыстуæттæ медикаменттæ мидæггаг базарадыл тагъддæр парахат кæндзысты, аптекæтæ, поликлиникæтæ æмæ рынчындæттæ хостæй цух не ‘ййафдзысты. Адæргъвæтин ма кæндзысты препаратты аналогты регистрацийы процедурæ. Ныхас цæуы, ныридæгæн Уæрæсейы цы хостæ зилдух кæнынц, уыдоныл. Æнцондæрæй бæстæмæ ласæн уыдзæн, оригиналон препараттæй фæсарæйнаг æвзагыл фыст кæцытæ сты, уыдон. Æрмæст æнæмæнг домæн – къоппыл уырыссаг æвзагыл фыстытæ.
Æнцондæр хуызы регистраци цы хостæ цæуыдзысты, уыдон æвзардзæн ведомствоты ‘хсæн сæрмагонд къамис. Се ‘хсæн æнæниздзинад хъахъхъæнынад, Уæрæсейы æнæниздзинады къабазмæ цæстдарты федералон службæ, промышленность æмæ базарады министрад, монополиты ныхмæ федералон службæ æмæ таможнæйы службæйы минæвæрттæ. Уæрæсейы регистрацигонд цы хостæ не сты, уыдонæй пайда кæнæн ис рæстæгмæ регистраци скæнгæйæ.
