Уæрæсейы Æхсæнадон палатæйы минæврттæ кусæг балцы сты нæ республикæйы. Мæскуыйаг делегацийы сты йæ секретарь Валерий Фадеев, йæ фыццаг хæдивæг, Уæрæсейы хъæбатыр Вячеслав Бочаров, палатæйы къамисты сæрдартæ Альбина Дударева æмæ Александр Ткаченко.
Уазджытæ бабæрæг кодтой бархионтæн æххуысы центр æмæ фембæлыдысты бархионты æмæ æхсæнадон организациты минæвæрттимæ. Ныхас кодтой нæ республикæйы бархионты змæлды рæзты фарстатыл, хæрзаудæн мадзæлтты архайджыты фæлтæрддзинадыл. Валерий Фадеев фæсидт фæсивæдмæ, цæмæй бархионты змæлд куыд фæхуыздæр кæнæн ис, уый тыххæй Уæрæсейы æхсæнадон палатæмæ сæ хъуыдытæ æрбарвитой .
Уазджытæ ма бабæрæг кодтой мемориалон комплекс “Барбашово поле” æмæ хъайтарты цыртдзæвæнтыл дидинджытæ æрæвæрдтой. Дарддæр та Мæскуыйаг минæварадæн экскурси сарæзтой Дæргъæвсы некропольмæ æмæ Алайнаг моладзандонмæ.
