Беслӕны сывӕллӕтты сфӕлдыстады хӕдзары уыд мадæлон ӕвзаг ӕмӕ литературӕйы бӕрӕгбон

21.05.2026 13:12

Сарæзтой йæ Ирон ӕвзаджы рӕзты центр ӕмӕ Цæгат Ирыстоны паддзахадон университеты ирон филологийы факультеты ӕххуысӕй.

Беслӕны сывӕллӕтты сфӕлдыстады хӕдзары уыд мадæлон ӕвзаг ӕмӕ литературӕйы бӕрӕгбон. Сарæзтой йæ Ирон ӕвзаджы рӕзты центр ӕмӕ Цæгат Ирыстоны паддзахадон университеты ирон филологийы факультеты ӕххуысӕй. Залы ӕрӕмбырд сты Рахизфарсы районы хистӕркъласонтӕ æмæ студенттæ. Сæйраг нысан — рӕзгӕ фӕлтӕры мадæлон æвзагмæ æмхиц кæнын. Кады гæххæттытæй схорзӕхджын кодтой, тематикон проектты зæрдæргъæвдæй чи архайы, уыцы ахуыргӕнджыты ӕмӕ скъоладзауты. Паддзахадон университетæй уазджытӕ базонгӕ сты, нӕ культурӕ зӕрдиагӕй чи уарзы, уыцы фидӕны абитуриенттимӕ. Боны сӕйраг цымыдисдзинад сси интеллектуалон хъазт “Ӕ-квиз”. Архайджытӕ æхсызгонæй ерыс кодтой логикӕ ӕмӕ эрудицийы. Хӕслӕвӕрдтӕ уыдысты истори, традицитӕ, литературӕ ӕмӕ грамматикӕимæ баст.

Предыдущий материал

Цæгат Ирыстоны паддзахадон университеты æфсæддон-ахуырадон центры уыд семинар

Следующий материал

“Иугонд Уӕрӕсе”-йы ӕхсӕнадон ӕххуысы штабы райдыдта ахуырадон проект “Раздзогты скъола”-йы ног сезон

Читайте также

Все новости