500 сывæллонæй фылдæр æмæ 14 æнтыстджын здæхты. Беслæны кадджын уавæры байгом кодтой æрыгон техниктæ æмæ натуралистты станцæтæ. Хæрзвадат агъуыстытæ, нырыккон ифтонггæрзтæ æмæ йæ зонындзинæдтæ чи нæ бавгъау кæндзæн, ахæм фæлтæрдджын ахуыргæнджытæ. Фæсивæды алывæрсыг райрæзтæн сарæзтой æппæт уавæртæ дæр. Мадзал бабæрæг кодта регионы разамонæг Сергей Меняйло дæр. Бæстонæй æрныхас кодта сывæллæттæ æмæ сæ ахуыргæнджытимæ, аргъ скодта кълæстæн.
Хъама æмæ нымæтын худы джигит, национ уæлæдарæсы чындз æмæ ирон фынджы традицион атрибуттæ. Ахæм дзауматæ саразын сæ бон уыдзæн сывæллæттæн. Уымæй уæлдай ма, уый у, аивадон къабазы ахуырты ныр фæсивæдæн цы егъау гæнæнтæ ис, уыдонæн сты чысыл хай. Сфæлдыстадон фæзтæ æмæ лабораторитæн аргъ скодта республикæйы сæргълæууæг Сергей Меняйло.
Ам архайдзӕн 5 сæдæ сывæллонæй фылдæр. Алчидæр сæ ссардзæн йæхицæн хæстæг ‘здæхт. Æдæппæтæй та равзарæн ис 14 къабазæй. Хæдтæхджытæ аразæн, мультимедион студи, IT-технологитæ, программирование æмæ бирæ æндæр ахуыртæ. Зæгъæм, æрыгон натуралисттæн сæ бон уыдзæн биологи æмæ агротехнологи æххæстæй ахуыр кæнын. Уый тыххæй сын сарæзтой 3 хъæрмуаты. Ифтонг сты æппæт хъæугæ нырыккон ифтонггæрзтæй. Афтæмæй тыллæг исæн уыдзæн афæдзы дæргъы дæр. Ныртæккæ та уал сывæллæттæ стыр аргъ скодтой картингæн.
Сергей Меняйло æрзылд алы кабинетыл дæр, æрдзырдта фæсивæд æмæ сæ ахуыргæнджытимæ. Регионы разамонæг куыд фæнысан кодта, афтæмæй рæзгæ фæлтæры алывæрсыг райрæзтæн арæзт цæудзæн æппæт уавæртæ дæр.
Дыууæ бæстыхайы дæр ис лекцитæ кæсæн æмæ интерактивон ахуыртæн агъуыстытæ, медицинон пункттæ æмæ буфеттæ. Хъæугæ уавæртæ ис, йе ‘нæниздзинад хъыгдæрд кæмæн у, уыцы цæрджытæн дæр. Нырыккон технологитæ бæстонæй базонынæн сæ зонындзинæдтæ не ‘вгъау кæндзысты фæлтæрдджын специалисттæ.
Станцæтæ аразынæн рахай кодтой 200 млн сомы бæрц. Дыууæ объекты дæр арæзт æрцыдысты Беслæны социалон-экономикон райрæзты программæйы фæлгæты.
Калоты Дзерассæ
