Беслæны хауæццæгтæ сыгъдæггæнæнтӕ сифтонг кодтой ног кусæнгæрзтæй. Цалцæггæнæн куыстыты фæлгæты раивтой технологон сæйраг гарз.
Базылдысты 615 иуæгмæ, се ‘хсæн донцъирæнтæ, дæлдзырæттæй афтидгæнæн комлекс, стӕй тъыфойтæ, ома, клапантӕ. Æппæт уыцы кусæнгæрзтæ, хауæццæгтæ сыгъдæггæнæнтæ кæй фæрцы скусдзысты, уыдон арæзт сты Уæрæсейы. Проект чи æххæст кæны æмæ арæзтад кæй бæрны ис, уыцы куыстуаты специалист зæгъы, зӕгъгӕ, фылдæр пайда сты уымӕй, æмæ ма элетрон тых дæр фæстауæрц кæнынц. Бæрæггæнæнтæм гæсгæ, 30% къаддæр хардзгонд цæудзæн.
Цæгат Ирыстоны цæрæнуæтты-коммуналон хæдзарад, артаг æмæ энегетикæйы министры фыццаг хæдивæг Хадыхъаты Алан куыд радзырдта, афтæмæй ма бынат базилинаг у, ныртæккæ санитарон æмæ экологон домæнтæ кæй карздæр кæнынц, уый тыххæй. Хауæццæгтæ сыгъдæггæнæнтæ цалцæг кæнынц Беслæны райрæзты генералон пъланмæ гæсгæ. Куыстытæ хъуамæ фæуой афæдзы кæронмæ. Куы ‘ркусой, уæд иу бонмæ дон 12 мин кубометры сыгъдæг кæндзысты. Реконструкцийы иумæйаг бюджет у 126 милуан сомæй фылдæр.
