Беслæны трагедийы амæттæгты номыл Петербурджы уыд мемориалон турнир мини-футболæй

Беслæны трагедийы амæттæгты номыл Петербурджы уыд мемориалон турнир мини-футболæй. Мадзал арӕзт ӕрцыд проект «БлагоДарить»-имæ иумæйагæй «Петролига»-имæ. Ерысты архайдтой 15 командæйы се ‘хсæн Петербурджы, Ленинграды облæсты, Цæгат Ирыстоны минæвæрттæ, уыимӕ, цы курдиӕттӕ балӕвӕрдтой, уыдоны иумӕйаг нымӕц фæндзайæ фӕфылдӕр. Турниры уазджытӕ систы 1-ӕм скъолайы амынӕты уæвæг Хъазиты Ларисӕ ӕмӕ футболон клуб “Алани”-йы минӕвар Уыртаты Михаил, уыдон спортсментӕм фæсидтысты сæ раныхсаы. Ерысты ахъазыдысты хорзæхты æртæ комлектыл. Мадзаларазджытæ куыд фæнысан кодтой, афтæмæй турниры сæйраг нысан уыд хуыздæрты сбæрæг кæнын нæ, фӕлӕ сабырдзинад ӕмӕ ӕдасдзинады бындуртæм ӕргом раздахын. Хъӕппӕрисӕн ма йӕ мидис у адӕмы æрбангом кæнын, фыдракæндæн ӕруадзӕн кӕй нӕй, уый зӕрдыл ӕрлӕууын кӕнын ӕмӕ ивгъуыды трагикон цаутӕ рох кæнын ма бауадзын.