Фæстæдæр регионы разамонæгæн уыд кусæг фембæлд Бизнес-патриотизмы райрæзты амалхъомты ассоциаци «Аванти»-йы президент Рахман Янсуковимæ. Уазæг Сергей Меняйлойæн радзырдта бæстæйы 8 азы дæргъы æнтыстджынæй архайæг ассоциацийы куысты тыххæй. Сæ нысан — чысыл æмæ рæстæмбис амалхъомадмæ фæкæсын. Ассоциацийы бындурыл ис бизнес-клуб дæр. Йæ хыгъды чи ис, уыдонæй бирæтæ Цæгат Ирыстонимæ æмгуыстмæ цæттæ сты.
Рахман Янсуков равдыста транспортон проектты, консалтингы, информацион технологиты æмæ медицинон уагдæтты ифтонгады проекттæ. Сæ иутæ, Сергей Меняйлойы ныхæстæм гæсгæ, регионы социалон-экономикон райрæзтæн пайда уаиккой. Фæлæ уал проекттæм лæмбынæг æркæсын хъæуы. Рахман Янсуков Сергей Меняйлойæн загъта, бизнес-æхсæнадимæ фембæлæн кæй ис Мæскуыйы «Аванти»-йы фæзуатыл дæр. Стæй Æппæтадæмон инвестицион форумы бацархайæн. Ассоциаци йæ скæнынвæнд кæны сентябры Араббаг Эмиратты.
