Æмæ ма кæд быдыргъмæ исчи йæ цæст фæдардзæн, уæд быдыр та æвæгæсæгæй аззайы. Уымæн æвдисæн – ныртæккæ уын цы кадртæ равдисдзыстæм, уыдон. Цалынмæ нæ егъау экранмæ цæуон, уæдмæ нын сæ нæ режиссер хъуамæ равдиса.
Мæнæ сты. Уæдæ афтæ: абон Цæгат Ирыстоны 14 раны арт схæцыд хус кæрдæгыл. Фæздæджы къуымбилтæ арвмæ сæ ных сарæзтой Горæтгæрон, Алагиры, Мæздæджы, Кировы, Æрыдоны æмæ Рахизфарсы районты.
Уый тыххæй фехъусын кодтой куыд хъæды хæдзарадæй, афтæ ирвæзынгæнджыты управленийы пресс-службæйæ дæр. Уæдæ ныртæккæ цы кадртæ æвдисæм, уыдон та систой пиллон арты æнæнхъæлæджы æвдисæнтæ. Уынут æй, фæндагыл цæугæйæ телефоны цæстæй цы сау фæздæджы уылæнтæ фелвæста, уыдон. Æмæ ма хус кæрдæджы сыгъдоны тæф адæймаджы æнæниздзинадæн ницы зиан хæссы.
Ахæмтæ сты специалистты бæрæггæнæнтæ. Фæлæ ахæм артдзæстытæ æнæрхъуыдыйæ куы ныууадзай, уæд бирæ хæттыты фыдбылызмæ дæр расайынц.
Уæлдай къæрцъхъус уæвын хъæуы хус рæстæджы. Мартъийы фыццаг бонтæ ахæмтæ рауадысты, æмæ хъуамæ хи къухæй фыдбылызтæ ма аразæм.
