Чернобылы атомон электростанцæйы аварийы фæстиуджытæ иуварсгæнджыты паддзахадон хæрзиуджытæ Сергей Меняйло сæ бинонтæм радта

Чернобылы атомон электростанцæйы аварийы фæстиуджытæ иуварсгæнджыты паддзахадон хæрзиуджытæ Сергей Меняйло сæ бинонтæм радта. Йæ раныхасы фæбæрæг кодта, чернобылæгты сгуыхтдзинад хъуыды кæнын æмæ фидæны фæлтæртæм дæттын куыд ахсджиаг у, уый. Радиацион бæллæхимæ тохы сæ тыхтæ не вгъау кодтой æмæ дзыллæтæ фыдбылызæй бахызтой, — бафтыдта регионы разамонæг. Президенты бардзырдмæ гæсгæ, Хуыцъистаты Хъазыбег хорзæхджынгонд æрцыд Лæгдзинады орденæй. Райста йæ йæ чызг Зæлинæ. Чихтисты Рахимæн — майдан “За спасение погибавших”. Райста йæ йе ‘фсымæр Руслан. Уæ зæрдыл уын æрлæууын кæндзыстæм, 1986-æм азы 26 апрелы Чернобылы атомон электростанцæйы æрцыд стыр радиацион фыдбылыз. Цардæн тæссаг уавæрты архайгæйæ, нæзынгæ знаджы ныхмæ удуæлдайæ тох кодтой ирыстойнаг лæппутæ дæр. Знаггадхæссæг радиацион тынтæ кæцæй цыд, уыцы 4-æм энергоблок тынуромæн æрмæгæй æхгæдтой.