Дзæуджыхъæуы сæйраг чиныгдоны 4-æм филиал абон суазæг кодта горæты 21-æм скъолайы фыццагкъласонты. Кусджытæ сын бацæттæ кодтой цымыдисаг программæ. Радзырдтой сын нырыккон аргъау. Æппæрцаг хъайтары хуызы дзы æвдыст æрцыд интернет. Ахæм фембæлдтытæ чысыл кæсджытимæ аразынц æппынæдзух. Ахуыр сæ кæнынц раст куыд хъæуы пайда кæнын фондтæй. Уыимæ ма сын равдисынц библиотекæйы фондтæ дæр.
Акцийы сæйраг нысан у сывæллонæн равдисын, чиныг планшетæй цымыдисагдæр кæй у. Сывæллæттæн ма бацæттæ кодтой конкурс. Хæслæвæрдтæм гæсгæ сæ хъуыд базонын аргъæутты хъайтарты.
