Чысыл æмæ рæстæмбис амалхъомадæн æххуыс

Уæрæсейы экономикон райрæзты министрад æмбырд кæнын райдыдта адæмы курдиæттæ чысыл æмæ рæстæмбис амалхъомадæн баххуыс кæнынæн. Уый национ проекты фæлгæты, арæзт у амалхъомады уавæр Уæрæсейы фæхуыздæр кæнынæн. Проекты бæстонæй фыст ис бизнесы рæзты алы къæпхæнæн цы æххуыс бакæнын хъæуы уый. Сæйрагдæр хæс: 2024-æм азмæ чысыл амлхъомады къабазы архайджыты нымæц 25 милуан адæймаджы бакæнын. Уæ зæрдыл уын æрлæууын кæндзыстæм, февралы кусын райдыдта льготæйы хуызы кредиттæ исыны программæ. Йæ процент 8,5%-æй фылдæр нæу. Кредит райсæн ис 90 бæлвырдгонд банчы. Йæхæдæг йæхи чи дары уыдонæн 4 регионы проект кусы фæлварæны хуызы. Ис ын йæхи хъалон фидыны фæтк. 2020-æм азы фæлварæны хуызы проект кусын райдайдзæн 19 регионы, уый фæстæ та æгас бæстæйы. Уæрæсейы алы къуымты ныридæгæн байгом «Мой бизнес», зæгъгæ 50 центры. 2024-æм азмæ сæ нымæц схидзæн сæдæмæ. Дзæуджыхъæуы «Мой бизнес» центр йæ дуæрттæ байгом кæндзæн декабры. Уыцы хъæппæрис ног улæфт бауаддзæн республикæйы амалхъомады куыстмæ. Курдиæттæ æмæ хъæппæристæ Уæрæсейы экономикон райрæзты министрад æмбырд кæндзæн 1-æм декабры онг. Курдиат ныууадзæн ис мойбизнес.рф сайты. Декабры та министрад æркæсдзæн хуыздæр курдиæттæм. Кæцытæ дзы равзарой, уыдон æххæстгонд æрцæудзысты национ проекты фæлгæты.