Covid-19 аххосæй куысты хъыгдæрд чи баййæфта, уыцы медицинон кусджытæ райстой фæдзæхстадон фиддонтæ. Æдæппæтæй 1327 адæймаджы. Ацы хъуыддагæн федералон бюджетæй рахай кодтой 94 милуан сомы.
Уый тыххæй фехъусын кодта Социалон фæдзæхстады регионалон хайады разамонæг Айларты Зæлинæ. Иу хатты фæдзæхстадон фиддоны бæрц 68 811 сомы. Райстой сæ дохтыртæ, астæуккаг æмæ кæстæр медицинон кусджытæ, тагъд æххуысы шофыртæ. Се`ппæт дæр куыстой коронавирус кæмæ сбæрæг, уыцы пациенттимæ.
Уæ зæрдыл уын æрлæууын кæндзыстæм, фæдзæхстадон фиддонтæ медицинон кусджытæн æмæ шофыртæн рахай кæныны тыххæй сæрмагонд бардзырд бафыста бæстæйы президент Владимир Путин.
