Цæгат Ирыстоны Æнæниздзинад хъахъхъæныны министрад фехъусын кодта коронавирусы фæстаг бæрæггæнæнтæ. Республикæйы стационарты ныртæккæ ис 573 адæймаджы. Коронавирус дзы рабæрæг 295 пациентмæ.
Республикон клиникон рынчындоны ис 83 адæймаджы, уыдонæй 53 Ковидимæ, реанимацийы ис 9 адæймаджы. Тагъд æххуысы клиникон рынчындоны ис 461 адæймаджы, ковид дзы рабæрæг 228-мæ, аппаратты фæрцы улæфынц 17 -æй.
Сывæллæтты Республикон Клиникон Рынчындоны ис 14 адæймаджы. Уыдонæй 11 — сывæллæттæ, хистæр кары рынчынты нымæц у 3, ковид низ сæ ис 4 сывæллонмæ æмæ 3 хистæр кары пациентмæ.
Горæтгæрон районы сæйраг рынчындоны ныртæккæ ис 15 адæймаджы, ног низ дзы рабæрæг кодтой 7 пациентмæ.
Фæлхасгæнджытæм цæстдарды управленийы хъусынгæнинагмæ гæсгæ, ацы суткæмæ ма коронавирус рабæрæг 48 адæймагмæ.
